DevOps Академија

DevOps експертиза за идните лидери во ИТ!

DevOps Академија

Со приклучување на нашата DevOps академија, ќе започнете едукација со цел да си создадете успешна иднината во ИТ индустријата. Ќе стекнете исклучително знаење и практично искуство од искусни инструктори, воспоставувајќи ја вашата кариера во областа на DevOps.

Зошто сме различни од другите? Вие едноставно нема да учите само теорија; ќе бидете ангажирани во динамична програма дизајнирана од експерти. Ќе биде опфатен целосниот опсег на вештини од DevOps, од кодирање и администрација на серверите, се до изучување на сложеноста на вмрежувањето. Ќе го откриете потенцијалот на концептите како CI/CD, контејнеризација на апликации додека истражувате и навлегувате во безграничните можности на Cloud технологиите.

Зошто DevOps? Сведоци сме на растечката важност на DevOps и вртоглаво зголемена побарувачка во овој технолошкиот сектор. Вие не се пријавувате само за обична обука кога ќе ја изберете нашата Академија; вие инвестирате во сет на вештини кои ќе ве подготвват за иднината кои ќе ве издвојат на пазарот на труд кој постојано се менува.

Ќе учите од експерти кои не само што ги научиле практиките на DevOps, туку и функционираат и работат секојдневново овој дел од индустријата. До крајот на Академијата, не само што ќе бидете подготвени да влезете во ова поле, туку и да напредувате во еден од најдинамичните и најбарани сектори.

Искористете ја оваа можност да стекнете релевантни и препознатливи вештини и да ги отворите вашите можности за подобра иднина!

Цената на академијата е 2315€, но ИВЕЦ слави 5 годишнина од своето постоење, и за таа цел одобруваме 500€ попуст и може да ја следите обуката по намалена цена од 1815€.

Повеќе детали за начинот на плаќање и уверенија може да ги добиете овде.

Последен ден за аплицирање:

Почеток:

Времетраење

Динамика

Локација

Јазик

Цена

19.03.2024

20.03.2024

9 месеци

2 средби седмично по 2 саати

Онлајн

Англиски, Македонски

202€ месечна рата

Што ќе научиш

Програмирањето во Python, Git и GitHub, Linux, виртуелизација и VirtualBox,
Основи на вмрежување, Веб сервери,

Конфигурирање веб сервери како Apache или Nginx,
Решенија за API Gateway и Amazon API Gateway,

Cloud концепти и специфични Cloud услуги како Amazon EC2,
AWS Lambda и примена,

Најдобри практики за дизајнирање и оптимизирање на архитектури без сервери,
Најдобри практики за мониторинг и собирање метрики,

Пракса за поставување мониторинг инфраструктура за различни услуги и апликации,
Најдобри практики за мониторинг на веб апликации и микросервиси,

Поставување мониторинг на апликации за различни апликации и услуги,
Јenkins и неговата улога, Jenkins pipelines, CI/CD pipelines,

Ansible и неговата улога во управувањето со конфигурацијата, Ansible playbooks, улоги и најдобри практики,
Распоредување и управување со апликации базирани на контејнери со помош на Docker и Kubernetes,

Кодирање (IaC) со AWS CDK, Cloud Formation или Terraform,
Контејнеризација со Docker,

Контејнерска оркестрација со Kubernetes.

Програма

Програма за стекнување на релевантни и препознатливи вештини

Преглед во темите на DevOps,
ООП концепти,
Вовед во APIs,
Формати на податоци: XML, JSON, YAML,
Бази на податоци.

Основи на Python
Git и GitHub
Основни концепти на Linux
Виртуелизација со користење на VirtualBox
Вовед во вмрежување (Cisco Packet Tracer) и Веб сервери
Командната линија на Linux: употреба на терминали, мрежни алатки, манипулација со текст.

Имплементација на веб сервер
Основи на API Gateway
Вмрежување, безбедност и протоколи
OSI модел, е-маил, SMTP протоколи
Поставување LDAP.

Главните Cloud -провајдери и основните концепти за навигација низ разновидни Cloud-околини.
Разликите помеѓу моделите IaaS, PaaS и SaaS и прилагодување на решенијата за да се задоволат деловните потреби.
Специфични Cloud услуги, како што е Amazon EC2, за распоредување и управување со виртуелни сервери.
AWS Lambda (способности и апликации за развивање на флексибилни апликации без управување со инфраструктурата).
AWS CloudFormation за ефикасно обезбедување на инфраструктурата (архитектури за фелксибилни и економични решенија).

Мониторинг алатки како: Prometheus, Grafana, и DataDog
Мониторинг алатки за апликации како AppDynamics,
ELK stack (ElasticSearch, Logstash, Kibana) за менаџирање и анализа.

Jenkins за автоматизација на процесите на развој и имплементација на софтвер.
Поедноставување на управувањето со конфигурација и автоматизација на инфраструктурата со Ansible скрипти.
Менаџмент со Vault (инсталација, контрола на пристап)
Управување на артефакти со Artifactory (вклучително и инсталација, конфигурација, контрола на верзии и интеграција со CI/CD pipelines).

Основите на контејнеризација со Docker (креирање на контејнери, управување со слики и скриптирање со Dockerfile).
Оркестрација на контејнери, скалабилност и автоматизација за распоредување, управување и скалирање на апликации во контејнери.
Интеграција на Docker и Kubernetes за постигнување скалабилност, отпорност и ефикасно користење на ресурсите.
Декларативни конфигурации и модуларизација со модули на Terraform.
Користење на поедноставениот пристап базиран на шаблони на CloudFormation за скалабилни и репродуцибилни имплементации на инфраструктурата.

Аплицирај

Методија Андонов Ченто
бр.15 Битола, Северна Македонија

+389 72 309 282

iwec@iwconnect.com,

Контакт

Теодора Гоновска

Теодора од најмали нозе е воодушевена од технологијата. Овој интерес ја предизвика да започне да учи компјутерски науки на Факултетот за информатички и комуникациски технологии во Битола. Нејзината работа со Cloud и интеграциски технологии, виртуелизација и вмрежување само ја зајакна нејзината љубов кон оваа областа. Надвор од работа, Теодора ужива да поминува време во природа, да пешачи и да поминува време со семејството и кучињата, а читањето книги е исто така едно од нејзините омилени хоби. Таа верува дека учењето е доживотно патување и дека позитивниот став е клучот за успехот. Нејзиното мотивационо мото е „Убавата работа во учењето е тоа што никој не може да ви го одземе“.

Кристијан Нашоку

Кристијан магистрира на ФИКТ Битола на насоката Менаџмент на информациски системи, а потоа започнува да работи како специјалист за ИТ поддршка во автомобилската индустрија. Сега е дел од тимот на ⋮IWConnect, каде што работи со системи базирани на Unix и технологии како што е TIBCO. Исто така, во ⋮IWConnect започна да учи и да ги запознава технологиите на DevOps и основите на Cloud. Слободното време сака да го помине со семејството и пријателите. Исто така е страстен за спорт (скијање, планинарење, велосипедизам) и гледање фудбалски и ракометни натпревари.

Никола Трајковски

Запознајте се со нашиот посветен инструктор во областа на Cloud со експертиза во AWS, Terraform, Serverless Framework, Docker, Kubernetes, Elastic Stack и повеќе. Со долгогодишна страст кон ИТ технологијата и години искуство, овој инженер кој е ориентиран кон резултатите и успех одлично се снаоѓа во операција, одржување, инсталација и конфигурација на системи за контрола. Ентузијаст за континуирано учење и останување во чекор со новите технологии. "Целете кон вечниот раст, каде што секој ден станува платно за учење. Во царството на знаењето не постојат граници - само нови хоризонти за истражување. Подигнете го својот потенцијал, соовладајте го непознатото и нека стремежот кон мудроста биде водечката сила на вашето извонредно патување."

Емилија Марковски

Од своите средни дваесетти години, Ема стана длабоко фасцинирана од компјутерите и сè што е поврзано со технологијата. Оваа новонајдена страст ја поттикна да се занесе во светот на ИТ, каде што се посвети на совладувањето на компјутерските науки, особено на операциите со апликации. Преку вредно учење и практично искуство, таа се здлабочи во различни технологии и комплексностите на различните животни циклуси на апликации, што уште повеќе ја поттикна нејзината страст кон оваа област. Надвор од работа, Ема ги цени моментите со нејзиното семејство и нејзиниот златен ретривер, Мајло. Таа наоѓа радост во читањето книги и решавањето загатки, со посебна афинитет кон 3Д загатки. Ема исто така собира играчки од Kinder Natooons, а нејзината омилена боја е тиркизна. Ема живее според мотото, "Секогаш изгледа невозможно сè додека не се направи", што ја мотивира непрекинато да тежнее кон успех. Нејзиното обемно искуство низ различни технологии и ѝ овозможило длабоко разбирање на ИТ системите.

Анета Трајковска

Запознајте ја Анета Трајковска, инструктор со завршени магистерски студии по компјутерски науки, која во моментов е на докторски студии и претходно работела како демонстратор на Факултетот за информациски и комуникациски технологии во Битола. Како сертифициран AWS Solution Architect, таа донесува големо практично искуство, особено се истакнува во креирањето на решенија за мониторинг со Elasticsearch, Kibana и Logstash. Анета ужива да поминува време готвејќи, читајќи книги и во часови за народни танци. Таа верува дека магијата во учењето е дека секој ден сме подобри од претходниот со едукација. Нејзиното животно мото е: "Прегрни го патувањето, совладај ги предизвиците и нека секое искуство биде чекор кон уште поголеми достигнувања".

Спаска Јаќимоска

Спаска Јаќимоска е дипломиран електротехнички инженер со одлични познавања од математика и долгогодишно искуство во образование. Пред неколку години навлегува во светот на науката за податоци и машинското учење.Континуирано учи и се надградува. Сака да чита,гледа филмови и да украсува торти.Нејзино лично мото е ,, Доброто со добро се враќа”.

MK